Facebook hesabı demək olar ki, bütün İnternet istifadəçilərində var. Cari ilin ikinci rübündə Facebook ən populyar sosial şəbəkə olaraq qaldı. Əldə olunan məlumatlara əsasən, Facebook-un 1.7 milyard aktiv istifadəçisi var, gündəlik sayta giriş sayı isə bir milyardı keçib. Ən maraqlısı isə odur ki, Facebook-a mobil cihazlardan giriş sayı 1.57 milyard təşkil edib — sosial şəbəkə üçün rekord göstəricidir.
Beləliklə, Facebook-un gəlirləri bir il ərzində üç dəfə artaraq 2.06 milyard dollar təşkil edib. Buna baxmayaraq, Facebook şirkət olaraq daha da böyümək və inkişaf etmək istəyir və növbəti addım kimi video striminq sahəsinə daxil olmağı planlaşdırır.
