Mikrobloq servisi Twitter-in komandası sosial şəbəkədə və Vine-da tezliklə yaranacaq yeniliklər barədə məlumat verib. Belə ki, artıq Twitter istifadəçiləri müddəti 140 saniyə olan video çarxları sosial şəbəkəyə yükləyə biləcəklər. Xatırladaq ki, əvvəllər 30 saniyəlik məhdudiyyət mövcud idi.
6 saniyəlik video çarxlar təqdim edən Vine-da isə daha uzun müddətli çarxların mövcud olacağı bildirilir. Bu tip videoların maliyyələşmə mövzusunda da müxtəlif təkliflər irəli sürülüb.
Qeyd edək ki, tərtibatçılar Vine və Twitter-də daha rahat şəkildə videoların izlənməsi üçün interfeysi təkmilləşdiriblər.
