Bu yaxınlarda Google-un Nyu-Yorkdakı ofisində bütöv bir divarı əhatə edən qeyri-adi interaktiv displey hazırlanıb. O, işıq diodu ilə təchiz edilmiş çoxsaylı düymələrdən ibarətdir və veb-səhifə vasitəsilə idarə oluna bilir. Bundan əlavə, düymələrdən istifadə edərək divarla qarşılıqlı əlaqə qurmaq və rəngarəng görüntülər əldə etmək mümkündür. Layihəyə AnyPixel.js adı verilib. Maraqlıdır ki, belə displeylərin yaradılması üçün lazım olan bütün məlumat Google tərəfindən açıq şəkildə təqdim edilib.
Layihənin rəsmi saytında bu tip interaktiv displeyləri təsis etmək üçün ətraflı təlimat mövcuddur. Bir daha qeyd edək ki, onların idarəsi birbaşa brauzer vasitəsilə baş verir.
