Belçika polisi vətəndaşlara Facebook-вф “reactions” düyməsinin istifadəsi barədə xəbərdarlıq edib.
Bu düymənin vasitəsi ilə istifadəçilər yazılan statuslara öz emosiyalarını bildirirlər: “sevgi”, “gülüş”, “kədər” və s. Belçika polisi araşdırma apararaq məlum edib ki, Facebook istifadəçinin emosiyalarını reklam effektinin artırılması üçün istifadə edir. Belə ki, əgər istifadəçi müsbət emosiyalardan istifadə edirsə, xüsusi alqoritm bunu müəyyən edir və həmin istifadəçi üçün reklamlar təklif edir. Reklamçılar üçün bu funksiya çox əlverişlidir, çünki hansısa bir məhsulun müsbət əhval-ruhiyyədə olan 1000 istifadəçiyə göstərilməsi daha faydalı olar, nəyinki eyni sayda neytral və mənfi emosiyalı istifadəçilərə göstərilməsi.
