Araşdırmalara (Research & Development) ən çox vəsait yatıran şirkətlər arasında TOP-5 yeri IT şirkətlər tutub. Ümumilikdə 76 milyard dollar yatırım edilib ki, bunlardan da 22.6 milyard dollar Amazon-un payına düşür.
2017-ci ildə Amazon araşdırmalar üçün ayrılan vəsaiti 41% artıraraq bulud texnologiyaları, Alexa səsli köməkçisi və s. bu kimi innovasiyalara yatırım edib. Amazonun ardınca reytinqdə Alphabet (16 milyard), Intel (13 milyard), Microsoft (12 milyard) və Apple (11 milyard) qərarlaşıb. Facebook reytinqdə 13-cü pillədən 9-cu pilləyə yüksələrək araşdırmalara yatırdığı vəsaiti 7.8 milyard dollara çatdırıb.
