Norveçli bir şəxs neyron şəbəkəsindən, yəni ChatGPT-dən, öz haqqında bildiyi məlumatları soruşdu və qorxunc bir yalan aldı. Məsələn, neyron şəbəkəsi onun iki uşağı öldürdüyünü və üçüncüsünü öldürməyə cəhd etdiyi üçün həbsxanada 21 il keçirdiyini uydurdu.
Qorxunc olan odur ki, bu «yalan» seçmə üsulla təqdim edilib: neyron şəbəkəsi kişinin doğma şəhərini, üç uşağının olmasını və onların cinsini düzgün müəyyən edib. Amma həbsxanada keçirdiyi 21 il və törətdiyi cinayətləri tamamilə uydurub.
Buna görə də kişi hazırda Open AI şirkətinə qarşı GDPR çərçivəsində məhkəmə iddiası qaldırıb. Əgər bu işi udarsa, şirkət ChatGPT-nin nə dediyinə nəzarət etməli olacaq, ya da Avropa İttifaqı vətəndaşlarının bu xidmətdən istifadə etməsinə qadağa qoymalıdır. Bu, şəxsi məlumatların təhrif edilməsi və yalnış məlumatların yayılması kimi qiymətləndirilə bilər və belə pozuntulara görə GDPR məhkəməsi Open AI şirkətinə illik dövriyyəsinin 4%-i həcmində cərimə tətbiq edə bilər.
