Hal-hazırda analoji funksiya Surface cihazları üçün əlçatandır. Microsoft şirkəti də, yayılan məlumatlara əsasən, Windows 10 istifadəçiləri üçün sürpriz hazırlayır.
Əməliyyat sisteminin yeni insayder versiyasında xüsusi bir funksiya aşkarlanıb — sistemin bulud servislərindən bərpası. Qeyd edilir ki, yeni funksiyanın izləri Windows 10 Build 14393 (Redstone 1, 2016) versiyasına aiddir. Bu da öz növbəsində o deməkdir ki, Microsoft şirkət bu layihə üzərində artıq üç ildir çalışır. Naməlum səbəblərə görə yenilik hələ də istifadəçilərə təqdim olunmayıb. Bulud servislərindən bərpa funksiyası ilə əməliyyat sistemini yeniləmək, tamamilə silərək yenisi quraşdırmaq üçün yaddaş cihazlarına və ya disklərə ehtiyac qalmayacaq, istifadəçi bulud servisində saxladığı məlumat ilə əməliyyat sistemini quraşdıra biləcək.
