Pod Skyscraper adlı göydələnə köçmək istəyən biri olarsa, onun üçün 3D-printerdə çap olunmuş mənzil-modulu konstruksiyaya quraşdırırlar. Gələcəyin tikintisi adlandırılan bu layihənin rəhbəri Hasif Rafiedir.
Gənc memarın hazırladığı göydələn layihəsi məşhur «Nakaqin» adlı Tokio qala-kapsulasına bənzəyir. Binanın layihəsi boş yuvaları olan karkasdan ibarət olacaq. Bu yuvalara 3D-printerdə çap olunmuş yaşayış modulları quraşdırılacaq. Qeyd edilir ki, göydələn yaşayış modulunu sifariş edənlərin sayına əsasən yüksəldilə bilər. Beləcə yaxın gələcəkdə filmlərdə gördüyümüz buludların arasında itən hündür və müasir texnologiya ilə tikilmiş göydələnlər real olacaq.
