HDM Global şirkəti Nokia brendi altında özünün ilk məhsulunu təqdim edib — Nokia 150 telefonu və onun 2 SIM-kartlı versiyası Nokia 150 Dual. İstehsalçının sözlərinə görə, Nokia 150 dözümlü və əlçatan smartfondur (təxminən 26 dollar).
Telefon 2.4 düymlük displey, bir VGA kamera, microSD yuva (32 GB-dək), 1020 mAh batareya ilə təchiz edilib. Telefon gözləmə rejimində 30 gün fəaliyyət göstərə bilər, danışıq rejimində isə təxminən 22 saat. Bluetooth 3.0, micro USB yuva və qulaqcıqlar üçün 3.5 mm yuva dəstəklənir. Telefon 2017-ci ilin ilk rübündə satışa çıxarılacaq.
Xatırladaq ki, may ayında Nokia şirkəti HDM Global ilə müqavilə imzalayıb. Bu müqaviləyə əsasən, HDM növbəti 10 il ərzində Nokia brendi altında telefon və planşet istehsal etmək hüququna malik olacaq.
