NFC Ring şirkəti təmassız ödəniş üçün təchiz edilən üzüyə öncədən sifarişlərin qəbulunu elan edib. Cihazı əldə etmək üçün NFC Ring-in saytına daxil ola bilərsiniz.
Üzük ağ və qara rənglərdə təqdim olunur, qiyməti isə 53 dollar təşkil edir. Üzüklərin satışa çıxarılması cari ilin dekabr ayına planlaşdırılıb.
Üzük vasitəsilə ödənişlər cihaza quraşdırılmış xüsusi NFC-antena ilə həyata keçirilir. Üzüyün itirilməsi halında mobil tətbiqdən onu söndürmək mümkündür.
Visa bildirir ki, üzük tamailə su keçirməzdir və 50 m dərinliyə enməyə tab gətirir. Batareya dəyişdirilməsi və yaxud enerji doldurlmasına ehtiyac yoxdur. Qeyd edək ki, NFC Ring layihəsi Kickstarter kraudfandinq platformasının dəstəyi ilə reallaşdırılıb.
