Google “ağıllı” saatların istehsalı ilə məşquldur və onları I/O 2016 konfransında təqdim olunmuş yeni səsli köməkçilərlə təchiz etmək istəyir. Müxtəlif mənbələrə görə yeni saatların kod adları Swordfish və Angelfish olacaq. Balıq adlarından istifadə olunması onu düşünməyə əsas verir ki, “ağıllı” saatlar yeni Nexus modelləri ilə birgə təqdim ediləcəklər. Qeyd edilir ki, bu saatlar tamamilə yumru displeylərlə təchiz olunacaq. Saatların diametrləri az fərqlənərək 42-44 mm təşkil edəcək. Android Wear 2.0 əməliyyat sistemi ilə çalışacaq olan bu saatlarda GPS-modul və 4G dəstəyi mövcud olacaq.
Gözlənilir ki, “Google” “ağıllı” saatları yeni Nexus modellərindən sonra təqdim ediləcək.
