Kaliforniya universitetinin alimləri KiloCore adlı hər biri müstəqil şəkildə çalışan 1000 nüvədən ibarət prosessorun istehsalı haqqında məlumat veriblər. Prosessorun maksimal gücü saniyədə 1.78 trilyon əməliyyatın yerinə yetirilməsini təmin edə bilir. Çip 621 milyon tranzistordan ibarətdir və IBM şirkəti tərəfindən istehsal edilir.
Prosessor 1.78 Hhz maksimal orta tezliyə malikdir və enerji sərfiyyatı baxımından qənaətcildir. Belə ki, o, saniyədə 115 milyard əməliyyatı 0.7 W enerji sərfiyyatı ilə yerinə yetirə bilir. Tərtibatçıların sozlərinə görə, KiloCore əməliyyatları müasir noutbuk prosessorları ilə müqayisədə 100 dəfə daha effektiv şəkildə yerinə yetirir.
