Uber və Foursquare arasında imzalanan strateji əməkdaşlıq müqaviləsi çərçivəsində avtomobil sifarişi servisi Foursquare-nin müəssisə ünvanları bazasından istifadə edəcək. Bu barədə Foursquare öz bloqunda məlumat verib.
Hal-hazırda Uber-in Google Maps əsasında xüsusi sitemi var, lakin bu sistem bütün ünvanlar üçün işlək deyil. Buna görə də artıq istifadəçilər lazım olan müəssisəni xəritədə qeyd etdikdə, ünvan avtomatik olaraq Foursquare bazalarından yüklənəcək. Qeyd edilir ki, Uber istifadəçiləri Foursquare xəritələrində düzəlişlər də edə biləcək.
